Aldaǵy úsh jylda ǵylymı qyzmetkerlerdiń sanyn 15% arttyrý josparlanýda - mınıstrlik

ASTANA. QazAqparat – 2026 jylǵa qaraı elimizdegi ǵylymı qyzmetkerlerdiń sanyn 15%-ǵa arttyrý josparlanyp otyr. Mundaı derekter «Ashyq» NQA portalynda jarııalanǵan Ǵylymdy damytýdyń 2022-2026 jyldarǵa arnalǵan tujyrymdamasynda kórsetilgen, dep habarlaıdy «QazAqparat» tilshisi.

«Ǵylymı-óndiristik uıymdar, ınjınırıngtik ortalyqtar men ǵylymı-tehnologııalyq parkter transformatsııalanady. 2026 jylǵa qaraı ǵylymı qyzmetkerlerdiń sanyn 2021 jylmen salystyrǵanda (21,6 myń adam) 15%-ǵa arttyrý kózdelýde. Al ǵylymı uıymdar men joǵary oqý oryndaryndaǵy zerthanalardy jańartylǵan jabdyqtarmen qamtamasyz etýdi 25%-ǵa deıin ulǵaıtý josparlanyp otyr. 2020 jyly bul kórsetkish 13,4% quraǵan edi», - dep jazylǵan tujyrymdamada.

Sonymen qatar, 2024 jyly Qazaqstanda «Ǵylym jáne tehnologııalyq saıasat týraly» jańa zań ázirlenbek.