Aldaǵy úsh jylda elimizde sandyq teleradıotaratýdy damytýǵa 48,9 mlrd. teńge jumsalady

ASTANA. 28 tamyz. QazAqparat - 2013-2015 jyldarǵa arnalǵan elimizde sandyq teleradıotaratýdy damytýǵa 48,9 mlrd. teńge, onyń ishinde 2013 jyly 14,4 mlrd. teńge kóleminde qarjy qarastyrylǵan.

Bul týraly búgin Úkimet otyrsynda «2013-2015 jyldarǵa arnalǵan respýblıkalyq bıýdjet týraly» QR Zań jobasyn usynǵan Qarjy mınıstri Bolat Jámishev málim etti.

Qarjy mınıstriniń aqparatyna qaraǵanda, mádenıet jáne aqparat salasynyń shyǵystary atalǵan aralyqta 161,5 mlrd. teńgeni, onyń ishinde keler jyly 53 mlrd. teńgeni quraıtyn bolady.

«Memlekettik tildi jáne Qazaqstannyń basqa da halyqtarynyń tilin damytý» memlekettik baǵdarlamasyn júzege asyrýǵa 3 jylǵa arnalǵan bıýdjet jobasynda jylyna 4 mlrd. teńgeden 12,1 mlrd. teńge kózdelgen», - dedi B.Jámishev.