Aldaǵy úsh jylda elimizde ІT salasy mamandaryn daıarlaıtyn úsh kolledj ashylady - Baılanys jáne aqparat mınıstri
ASTANA. Qyrkúıektiń 17-ci. QazAqparat /Qanat Mámetqazyuly/ - Aldaǵy úsh jylda elimizde ІT salasynyń mamandaryn daıarlaıtyn úsh kolledj ashý josparlanýda.
Búgin elordada ótip jatqan Qazaqstan ІT-kompanııalarynyń ІІ-sezi barysynda QR Baılanys jáne aqparat mınıstri Asqar Jumaǵalıev osylaı málim etti.
«ІT salasyn damytýda memlekettik qoldaýmen, salyqtyq jeńildiktermen qosa bilikti mamandardyń bolýy zor mańyz atqarady. Rasynda, da aqparattyq tehnologııalar salasyn bundaı mamandarsyz alǵa jyljytý múmkin emes. Bul baǵytta memleket salalyq baǵdarlama sheńberinde kadr máselesin oń sheshýdi qolǵa alatyn bolady. Atap aıtqanda, halyqaralyq aqparattyq tehnologııalar ýnıversıtetine qomaqty granttar bólinýde. Budan bólek, aldaǵy úsh jylda ІT salasyn tereńdete oqytatyn kolledjder ashatyn bolamyz. Óıtkeni, joǵary bilim bolǵany árıne jaqsy. Degenmen, bizge joǵary tehnologııalyq óndiristerdi qurastyryp, jınaıtyn mamandar da asa qajet», dedi A. Jumaǵalıev.
Mınıstrdiń aıtýynsha, búgingi kúni baılanys, ІT, radıobaılanys sekildi mamandyqtarǵa oqytatyn joǵary oqý oryndarynyń fakýltetterine de memlekettik qoldaý jasaý sharalary qarastyrylýda. «Maman tapshylyǵy kúrdeli másele bop turǵanyn bilemiz. Endi osy fakýltetterge granttar bólý arqyly sondaı olqylyqty joımaqshymyz», dedi mınıstr.
