Aldaǵy úsh jylda ár jyl saıyn 30 shaqyrym sý qubyry men 15 shaqyrym kárizderdi aýystyrý qajet - «Astana Sý Arnasy»
ASTANA. Mamyrdyń 14-i. QazAqparat /Qanat Mámetqazyuly/ - 2010-2012 jyldary ár jyl saıyn elordadaǵy 30 shaqyrym sý qubyrlary men 15 shaqyrym kárizderdý aýystyrý qajet etiledi. Bul týraly búgin «Astana Sý Arnasy» MKK Bas dırektorynyń orynbasary Arman Danaev, Astana qalasy Almaty aýdany ákimshiliginde ınvestıtsııalyq mindettemelerdiń oryndalýy jóninde ótken keńeste málim etti,
dep habarlaıdy QazAqparat.
«Sýmen jabdyqtaý jáne sý burǵyshtar jelilerindegi apattylyq máselesine analız jasaý barysynda, ótken 12 jyl ishinde bundaı tozyǵy jetip, apatty jaǵdaıǵa túsken júıelerdiń sany bes esege deıin artqan. Máselen, 1997 jylmen salystyrǵanda 2009 jyly sý qubyrlarynyń tozýyna baılanysty oryn alǵan oqıǵalardyń sany 230-dan 1 myń 49-ǵa deıin artqan. Sý qubyrlary men káriz jelilerindegi apattylyqtyń joǵary deńgeıde bolýy temir qubyrlardyń tozýymen baılanysty. Olar 30-40 jyldan astam ýaqyt boıy jer astynda tozyǵy jetkendikten, jappaı isten shyǵý jıilep ketti», dedi A. Danaev.
Onyń aıtýynsha, búgingi kúni tutynýshylardy úzdiksiz sýmen jabdyqtaýdy sapaly júzege asyrý máselesi eń basty problemaǵa aınalyp otyr.
