Aldaǵy úsh jylda 66 kommertsııalyq JOO-nyń 36-sy jabylady - Úkimet otyrysy
ASTANA. 26 naýryz. QazAqparat - Kommertsııalyq joǵary oqý oryndary úsh jyldyń ishinde 66-dan 30-ǵa deıin qysqarady.
Bul týraly búgin selektorlyq tártiptegi Úkimet otyrysynda QR Bilim jáne ǵylym mınıstri Baqytjan Jumaǵulov málim etti.
«Elbasynyń tapsyrmasy boıynsha joǵary oqý oryndaryn ońtaılandyrý júrgizilýde. Qazirgi ýaqytta olardyń sany 149-dan 136-ǵa deıin qysqartyldy. Tájirıbe kórsetkendeı, kommertsııalyq joǵary oqý oryndarynyń kópshiligi bilim berý sapasy jaǵynan syn kótermeıdi. Sondyqtan, taıaýdaǵy úsh jyl ishinde olardyń sanyn 66-dan 30-ǵa deıin qysqartý josparlanýda», - dedi mınıstr.
Sóz sońynda ol joǵary oqý oryndaryna qoıylatyn talaptardy eskere otyryp, bul iske vedomstvo óte jaýapty qaraıtyndyǵyn jetkizdi.
