Aldaǵy úsh jylda 200-den astam aýylǵa sapaly ınternet tartylady – ShQO

ÓSKEMEN. QazAqparat – Shyǵys Qazaqstan oblysynda aldaǵy úsh jylda 200-den astam aýylǵa sapaly ınternet tartylady, dep habarlaıdy QazAqparat tilshisi.

Shyǵys Qazaqstandaǵy ózekti máselelerdiń biri – aýyldardyń ǵalamtormen qamtylýy. Óńir ákimdiginiń málimetine súıensek, osy turǵyda birqatar jumys atqarylmaq.

Ótken jyly oblystaǵy 363 eldi mekenniń 160-ynda sapaly mobıldi ınternet tartyldy. Qalǵan 203 aýyl 2026 jylǵa deıin kezeń-kezeńimen sapaly ınternetpen qamtamasyz etiledi.

«Osy jyly jergilikti bıýdjet esebinen 1,3 mlrd teńgege 19 antennalyq-machtalyq qurylymdy salý jáne uıaly baılanys operatorlarynyń qoldanystaǵy lıtsenzııalyq mindettemelerin oryndaý esebinen 16 aýyl mobıldi ınternetpen qamtylady. Taǵy 70 aýylda uıaly baılanys operatorlarymen jasalǵan kelisimsharttar negizinde ınternet qoljetimdi bolady. Naqty aıtqanda, 2023 jyly – 63 aýylda, 2024 jyly – 7 aýylda jumys júrgizilmek», - deıdi aımaq basshysy Danıal Ahmetov.

Qalǵan 117 eldi mekenge sapaly ınternet tartý jumystary 2025-2026 jyldar aralyǵynda máresine jetedi.