Aldaǵy úsh táýliktiń aýa raıy belgili boldy - Qazgıdromet
NUR-SULTAN. QazAqparat - Ortalyq kommýnıkatsııalar qyzmetinde «Qazgıdromet» RMK Gıdrometortalyǵynyń dırektory Marına Shmıdt 30 sáýir - 2 mamyr aralyǵynda qandaı aýa raıy kútiletinin aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Mereke qarsańynda, 30 sáýirde, Qazaqstannyń basym bóliginde aýa raıy qubylmaly bolady, jaýyn-shashyn, soltústik aımaqtarda arty qarǵa ulasatyn jańbyr jáne burshaq jaýady, ekpindi jel soǵady, qysqa merzimge jylyǵanymen kún qaıta sýytady:
batysta túnde -2+5°S, kúndiz +7+15°S;
soltústik-batys jartysynda túnde -5,+5°S, kúndiz +15+20°S-tan +2+10°S deıin tómendeıdi;
qalǵan aımaqtarda naızaǵaı jarqyldap jańbyr jaýady, biraq jyly aýa raıy +15+25°S saqtalady.
Batys óńirlerde 1 mamyr merekesinde aýa raıy jaýyn-shashynsyz bolady, kúndiz aýa temperatýrasy +10+20°S deıin jylıdy.
Soltústik, ortalyq jáne shyǵys óńirleriniń turǵyndary úshin aýa raıy qolaısyz bolady, jaýyn-shashyn (jańbyr, qar) saqtalady.
Elimizdiń shyǵysynda ekpindi jel soǵyp, nóser jaýady, túnde jáne tańerteń kóktaıǵaq pen tuman kútiledi. Túnde aýa temperatýrasy -2-7°S, kúndiz +3+11°S bolady.
Qazaqstannyń ońtústigi men ońtústik-shyǵysynda jańbyr jaýyp, keı jerlerde kún kúrkirep, burshaq jaýyp, jel kúsheıedi. Aýa temperatýrasy túnde +2+10°S shamasynda, jer betinde 3 gradýsqa deıin úsik bolady, kúndiz +12+20°S.
2 mamyrdan bastap elimizdiń batys jartysynda jaýyn-shashynsyz aýa raıy, shyǵys jartysynda áli de keı jerlerde jaýyn-shashyn, ońtústikte naızaǵaı jáne ekpindi jelmen jańbyr saqtalady. Elimizdiń batysy men ońtústiginde aýa temperatýrasy kúndiz +15+25°S, soltústiginde, ortalyǵy men shyǵysynda +5+15°S bolady.
