Aldaǵy úsh táýlikte kún sýytyp, 28 gradýsqa deıin aıaz bolady
ASTANA. QazAqparat - Qazgıdromet 20-22 jeltoqsanǵa arnalǵan aýa raıy boljamyn jarııalady, dep habarlaıdy QazAqparat.
Taıaýdaǵy úsh táýlikte Qazaqstannyń basym bóliginde aýa raıynyń turaqsyz sıpaty saqtalady.
Atap aıtqanda qar jaýyp, burqasyn soǵady, jeldiń qarqyny - 15-20, ekpini 23-28 m/s jetedi.
Elimizdiń batysynda, ońtústiginde, ońtústik-shyǵysynda kóktaıǵaq bolady.
Sýyq arktıkalyq aýa massalarynyń áserinen respýblıkanyń búkil aýmaǵynda aýa temperatýrasy tómendeıdi.
Eldiń soltústik-batys, soltústik, ortalyǵynda 15-28 gradýs aıaz bolady.
