Aldaǵy úsh táýlikte kún sýytady

NUR-SULTAN. QazAqparat – «Qazgıdromet» RMK 31 mamyr – 2 maýsym kúnderine aýa raıy boljamyn usyndy, dep habarlaıdy QazAqparat.

«Mamyrdyń sońǵy kúnderi Qazaqstan aýmaǵynyń basym bóligi Sibir ústindegi tsıklon yqpalynda bolady – naızaǵaı oınap, jańbyr jaýady. Ońtústik-shyǵysta qatty nóser, burshaq, daýyl bolady. Respýblıka boıynsha jel kúsheıedi. Alaıda, 1 maýsym kúni Qazaqstannyń batysyna Soltústik antıtsıklon áser ete bastaıdy, ol respýblıka aýmaǵy arqyly shyǵys baǵytta yǵysyp, jaýyn-shashynnyń birtindep toqtaýyna jáne temperatýranyń kóterilýine yqpal etedi. 1-2 maýsymda batysta, soltústik-batysta, soltústikte, ortalyqta topyraqtyń betki qabatynda 2 gradýsqa deıin úsik bolady» delingen sınoptıkterdiń habarlamasynda.