Aldaǵy úsh táýlikte kún salqyndaıdy - Qazgıdromet
ASTANA. QazAqparat - Kavkaz aýmaǵynan jyljyp kele jatqan antıtsıklon áserinen Batys Qazaqstan aýmaǵynda aldaǵy ýsh táýlikte aýa raıy jaýyn-shashynsyz bolady jáne jylynady dep boljanýda. Bul týraly «Qazgıdromet» RMK baspasóz qyzmeti habarlaıdy.
Elimizdiń qalǵan aımaqtarynda polıarly atmosferalyq fronttar arktıkanyń sýyq fronttaryna ulasady. Osy fronttardyń áserinen, jańbyrly, naızaǵaıly aýa raıy kútiledi. Elimizdiń ońtústiginde jáne ońtústik-shyǵysynda keı jerlerde qatty jańbyr, burshaq jaýyp, ekpindi jel jáne aýa raıynyń salqyndaýy baıqalady.
Eger ótken táýlik, 25 sáýirde, aýa temperatýrasy (batys aýdandardy qospaǵanda) 4-8ºS normadan joǵary bolsa, 28-29 sáýirde elimizdiń ortalyǵynda, ońtústiginde jáne ońtústik-shyǵysynda temperatýra klımattyq normadan 2-5ºS deıin tómendeıdi.
