Aldaǵy úsh táýlikte kún raıy qalaı bolady
NUR-SULTAN. QazAqparat - Qazgıdromet aldaǵy úsh táýlikte kún raıy qalaı bolatynyna boljam jasady, dep habarlaıdy QazAqparat.
«Kezekti Soltústik-Batys tsıklony eldiń batys, soltústik-batys jáne soltústik óńirlerine áser etedi, osyǵan baılanysty jaýyn-shashyn (jańbyr, qar), ekpindi jel, tuman, kóktaıǵaq, tómengi burqasyn kútiledi. Tek respýblıkanyń ońtústiginde, ońtústik-shyǵysynda aýa raıy jaýyn-shashynsyz bolady. Batys antıtsıklonynyń basyp kirýimen jáne onyń shyǵys baǵytqa yǵysýyna qaraı aýa temperatýrasynyń azdap tómendeýi boljanady» delingen habarlamada.
