Aldaǵy úsh táýlikte Qazaqstannyń ońtústiginde nóser jańbyr men batysynda aptap ystyq kútilip otyr
ASTANA. QazAqparat - Aldaǵy úsh táýlikte Qazaqstannyń ońtústiginde nóser jańbyr men batysynda aptap ystyq kútilip otyr, dep habarlady «Qazgıdromet» RMK.
«Aýa raıynyń ózgerýi respýblıkanyń ońtústigi men ońtústik-shyǵysynda baıqalady, munda ońtústikten óte jyly jáne Batys Sibirdiń soltústik aýdandarynan salqyn ári ylǵaldy aýa massalary «kezdesedi». Osyndaı «kezdesý» qýatty túıdek-jańbyrly bulttylyqtyń óristeýine jol berip, sonymen birge jańbyr, keı jerlerde, ásirese taýly aýdandarda nóser jańbyr kútiledi, burshaq túsýi jáne aýa temperatýrasynyń kópten kútilgen tómendeýi yqtımal», - delingen habaralama.
Respýblıkanyń batysyn qospaǵanda qalǵan bóliginde sýyq atmosferalyq aǵyndardyń áserimen keı jerlerde naızaǵaı oınap, ótkinshi jańbyr jaýyp, aýa temperatýrasynyń azdap tómendeýi boljanyp otyr. Qazaqstannyń batys oblystaryna tropıkalyq aýa raıy kelip jetti. Aldaǵy úsh táýlikte munda óte ystyq jáne qurǵaq bolyp, eń joǵary temperatýra 33-41 gradýsty kórsetedi.
