Aldaǵy úsh táýlikte elimizdiń keı aımaqtarynda qar jaýady - Qazgıdromet
ASTANA. QazAqparat - «Qazgıdromet» RMK 1-3 jeltoqsanǵa arnalǵan aýa raıy boljamyn usynady.
«Qazaqstan aýmaǵynda kúrdeli meteorologııalyq jaǵdaı kútilýde. Aldaǵy úsh táýlikte aýa raıyn aldymen sýyq atmosferalyq front, sodan keıin ońtústik tsıklon anyqtaıtyn bolady.
Respýblıkanyń soltústigi men shyǵysynda burqasyndy qar jaýyp, kúshti batys jeli soǵady. Elimizdiń batysy men ortalyǵyna, sondaı-aq keı jerlerge qar jaýady, biraq kúndizgi temperatýra mınýs 3 - plıýs 3ºS bolyp, bul jerlerde kóktaıǵaq ta kútiledi.
Qazaqstannyń ońtústiginde 2 jeltoqsanda kúndiz, 3 jeltoqsanda ońtústik-shyǵysynda temperatýra plıýs 2...plıýs 10ºS deıin kóterilip, jaýyn-shashyn túsedi, basymyraq jańbyr jaýyp, aıaǵy sýly qarǵa ulasady, sondaı-aq ekpindi ońtústik-batys jeli de kútilýde. Joldarda, ásirese qala syrtynda óte abaı bolyńyzdar», - dep jazylǵan habarlamada.
