Aldaǵy úsh táýlikte elimizde kún ystyq bolady
ASTANA. QazAqparat - Qazaqstanda aýa raıy ashyq bolady dep kútilýde. Eldiń soltústigi men shyǵysynda ǵana 13 mamyrda ótkinshi jańbyr bolýy múmkin, dep habarlady «Qazgıdromet» RMK.
«Aldaǵy úsh táýlikte Qazaqstannyń basym óńirlerinde atmosferalyq qysym joǵary bolyp, jaýyn-shashyn bolmaıdy. 13 mamyrda soltústik óńirlerde, al 13-15 mamyrda respýblıkanyń shyǵysynda ótkinshi jańbyr jaýady, naızaǵaı oınap, jeldiń jyldamdyǵy sekýndyna 15-20 m deıin jetedi», - delingen habarlamada. «Qazgıdromet» atap ótkendeı, Qazaqstannyń batysynda kún ystyq bolady. Aýa temperatýrasy munda 30-38º, soltústikte, ortalyq pen ońtústik-shyǵysta 22-32º S deıin ystyq, al ońtústikte aýa temperatýrasy 27-35º nólden joǵary bolady. Respýblıkanyń shyǵys aımaǵynda ǵana jańbyrdyń jaýýyna baılanysty aýa temperatýrasy sál tómen, 15-25º bolady.
