Aldaǵy úsh táýlikte elimizde aýa raıy qandaı bolady
NUR-SULTAN. QazAqparat – Sınoptıkter 29 aqpan jáne 2 naýryz aralyǵyna arnalǵan aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
«Qazaqstanǵa qar, burqasyn ákelgen Arktıkalyq sýyq aǵyndardy antıtsıklon almastyrady. Kúntizbe boıynsha qystyń sońǵy demalys kúnderinde jáne kóktemniń birinshi kúninde respýblıkanyń kóptegen oblystarynda jaýyn-shashynsyz, jyly aýa raıy bolady, aınalanyń kórinýi nasharlatatyn tuman kútiledi», delingen boljamda.
Al batys oblystarda kezekti aǵyndar kóship kelip, munda bultty jáne jaýyn-shashyndy aýa raıy, kóktaıǵaq jáne ekpindi jel kútiledi. Qazaqstannyń barlyq aımaqtarynda temperatýra ortasha kópjyldyqtan joǵary bolady.
