Aldaǵy úsh kúnniń aýa raıy boljamy: Ońtústikte jaýyn jaýyp, naızaıǵaı jarqyldaıdy
ASTANA. QazAqparat - Qazgıdromet aldaǵy úsh táýlikke, 19-21 naýryz aralyǵyna aýa raıy boljamyn jarııalady, dep habarlaıdy QazAqparat.
Sınoptıkterdiń boljaýynsha, elimizdegi aldaǵy úsh kúngi aýa raıy antıtsıklonge baılanysty bolady.
«Elimizdiń kóptegen óńirinde jaýyn-shashyn bolmaıdy, tek túnde jáne tańerteń kóriný qashyqtyǵy 500 metrden tómen bolatyn tuman túsedi.
Al qıyr batys jáne ońtústik óńirlerde atmosferalyq aǵynnyń áserinen jaýyn-shashyn kútiledi. Ońtústikte ótkinshi jaýyn jaýyp men naızaıǵaı jarqyldaıdy», - delingen habarlamada.
Aýa temperatýrasy ortasha kópjyldyq mánge jaqyn, alaıda ońtústikte 5...7° C joǵary bolady.
