Aldaǵy úsh kúnge aýa raıy boljamy: Soltústik óńirde kún kúrkirep, jaýyn jaýady
NUR-SULTAN. QazAqparat – Sınoptıkter aldaǵy úsh kúnge jasalǵan aýa raıy boljamyn jarııalady, dep habarlaıdy QazAqparat «Qazgıdromet» RMK-ǵa silteme jasap.
«Sýyq atmosferalyq front ótkennen keıin Qazaqstannyń soltústik bóliginde keı jerlerde kún kúrkirep, jańbyr jaýyp, túnde 5...10, kúndiz 22...27 gradýsqa deıin jyly bolady. Respýblıkanyń ońtústiginde ystyq aýa raıy saqtalady, biraq munda naızaǵaı oınap, ótkinshi jańbyr jaýýy yqtımal» delingen «Qazgıdromet» habarlamasynda.
