Aldaǵy úsh kúnde úsik júredi – sınoptıkter boljamy

ASTANA. QazAqparat – «Qazgıdromet» RMK 15-17 maýsym kúndergi aýa raıyna boljamyn jarııalady, dep habarlaıdy QazAqparat.

Boljamǵa sáıkes, Qazaqstannyń batysynda, ońtústik-batysy men ońtústik-shyǵysynda kún raıy atmosferalyq frontaldy bólikterdiń áserimen qalyptasady: aspandy ala bult basyp, naızaǵaı oınaıdy, jańbyr jaýyp, jel men shańdy daýyl turady.

Respýblıkanyń soltústik, ortalyq jáne shyǵys óńirlerinde aýa temperatýrasy túnde 2-10 gradýsqa deıin tómendeıdi. Topyraq betinde 2 gradýsqa deıin úsik júredi. Bul rette kúndiz temperatýra 20-28-den 25-32-ge deıin birtindep kóterile bastaıdy.