Aldaǵy úsh kúnde respýblıkada jaýyn-shashyndy aýa raıy bolady
ASTANA. QazAqparat - «Qazgıdromet» RMK 26-28 shildege arnalǵan aýa raıy boljamyn usynady.
«Reseıdiń eýropalyq aýdandarynyń soltústigi men batysynan Qazaqstan aýmaǵyna atmosferalyq fronttar yǵysýda. Sondyqtan shildege qaramastan jaýyn-shashyn respýblıkamyzdyń basym bóliginde áli de jalǵasady. Ótken demalys kúnderi ońtústik pen ońtústik-shyǵysta ǵana ashyq boldy. Basqa oblystarda jaýyn-shashyn júrip, keı jerlerde nóser jaýdy.
Aldaǵy úsh kúnde, atmosferalyq fronttardyń áserinen soltústik jáne ortalyq oblystarda áli de naızaǵaıly, ótkinshi jańbyr, burshaq júredi, jańbyr elimizdiń kóp bóliginde jaýady. Ońtústik pen ońtústik-shyǵysta aldaǵy úsh kúnde aspan ashyq bolady», - dep jazylǵan habarlamada.
