Aldaǵy úsh kúnde ońtústikte aıaz kúsheıip, soltústikte sýyqtyń beti qaıtady
ASTANA. QazAqparat - Qazgıdromet sınoptıkteri 12-14 qańtarǵa arnalǵan úsh kúndik aýa raıy boljamyn usyndy, dep habarlaıdy QazAqparat.
Sýyq arktıkalyq antıtsıklon óz traektorııasyn respýblıkanyń shyǵys, ońtústik óńirlerine baǵyttaıdy.
Sol sebepti jaýyn-shashynsyz aıazdy aýa raıy kútiledi.
Tek respýblıkanyń soltústik jartysynda atmosferalyq fronttardyń áserinen qar jaýady, jaıaý burqasyn kóteriledi.
Respýblıkanyń soltústik-batysynda, ońtústik-shyǵysynda tuman túsedi.
Aýa temperatýrasy elimizdiń batysynda túnde 15-30 aıazdan 7-20 aıazǵa deıin, soltústik-batysta 20-28 aıazdan 13-22 aıazǵa deıin ózgeredi.
Respýblıkanyń soltústiginde 20-35 aıazdan 13-26 aıazǵa deıin, ortalyqta 30-41 aıazdan 17-25 aıazǵa deıin, elimizdiń shyǵysynda 32-43 aıazdan 20-30 aıazǵa deıin tómendeıdi.
Ońtústikte temperatýranyń negizgi fony - 22-31 aıaz, ońtústik-shyǵysynda 20-33 aıazdan 23-36 aıazǵa deıin almasady.
