Aldaǵy úsh kúnde kún kúrkirep, nóser jańbyr jaýady
NUR-SULTAN. QazAqparat - Qazgıdromet sınoptıkteri 2-4 shilde aralyǵynda elimizde aýa raıy qandaı bolatynyn aıtty, dep habarlaıdy QazAqparat.
Qazaqstan aýmaǵynyń basym bóligin jaýlaǵan Ońtústik-Kaspıı tsıklony soltústik-shyǵysqa qaraı yǵysady. Bul tsıklonnyń atmosferalyq fronttary naızaǵaı, ekpindi jel men jańbyr ákeledi.
Jeke aımaqtarda nóser jańbyr jaýady. Burshaq jaýýy yqtımal.
Temperatýralyq fon túnde +8…18 deıin, kúndiz +18…28 gradýsqa deıin tómendeıdi.
Tek batys jáne ońtústik-batys aımaqtar joǵarǵy qysym aıasynda bolady.
Munda jaýyn-shashynsyz aýa raıy kútiledi. Temperatýra túnde +13…22 deıin, kúndiz +30…38 gradýsqa deıin joǵarylaıdy.
