Aldaǵy úsh kúnde Qazaqstannyń ońtústiginde naızaǵaı jarqyldap, jańbyr jaýady
ASTANA. QazAqparat - «Qazgıdromet» RMK aǵymdaǵy jyldyń 28-30 sáýir kúnderine aýa raıy boljamyn taratty.
Sınoptıkterdiń aqparaty boıynsha, qazaqstannyń ońtústik oblystaryna Iran aýdandarynan tsıklon jyljyp, onymen birge aldaǵy úsh táýlikte bul aýdandardyń keı jerlerinde naızaǵaı jarqyldap, jyly ótkinshi jańbyr jaýady. Batys bóliginen basqa, qalǵan aýmaǵyna Batys Sibirden atmosferalyq aǵyndar jyljyp otyr. Munda keı jerlerde jańbyr, naızaǵaı kútiledi, burshaq jaýýy yqtımal, túnde keı jerlerde 0-3 gradýs úsik túsedi, kúndizgi aýa temperatýrasy kóbine 13-20 gradýs bolady. Respýblıkanyń batysynda jaýyn-shashynsyz kún raıy boljanady, tek Mańǵystaý oblysynda ótkinshi jańbyr jaýyp, naızaǵaı jarqyldaıdy.
