Aldaǵy úsh kúnde Qazaqstannyń kóptegen óńirinde jaýyn jaýady
ASTANA. QazAqparat - Aldaǵy úsh kúnde Qazaqstannyń kóptegen oblysynda nóser jaýyp, daýyl soǵýy múmkin, dep habarlaıdy QazAqparat Qazgıdrometke silteme jasap.
Keshe Qazaqstannyń soltústik oblystarynda jaýyn-shashynǵa sebep bolǵan sýyq arktıkalyq aýa aǵyndary shyǵysqa qaraı jyljyp keledi. Aldaǵy táýlikterde eldiń ońtústik-shyǵysy men shyǵysynda jańbyr jaýyp, aýa temperatýrasy tómendeıdi.
Qalǵan aımaqtyń aýa-raıyna Edil ózeni aımaǵynan keletin antıtsıklon yqpal etedi. Onyń yqpaly qysqa merzimdi bolady, sebebi Barents teńiziniń ústinde kezekti arktıkalyq aýa aǵyndary qalyptasyp jatyr. Ol 25 mamyrda kúndiz Qazaqstannyń soltústik oblystaryna jetip, ońtústik jáne ońtústik-shyǵysqa qaraı jyljıdy. Osyǵan baılanysty tek ońtústikte jáne 25-26 mamyr kúnderi respýblıkanyń ońtústik-shyǵysynda jaýyn-shashynsyz bolady. Qazaqstannyń qalǵan aýmaǵyna jańbyr jaýyp, naızaǵaı oınaıdy, jel kúsheıip, arty daýylǵa ulasýy múmkin.
24 mamyrda Soltústik Qazaqstan oblysynda aýa raıyna baılanysty eskertý jarııalanady. Jel ońtústik-batystan jáne batystan sekýndyna 15-20 metr jyldamdyqpen soǵyp, keı jerlerde ekpini 23-28 m/s-qa deıin údeýi múmkin. Keı jerlerde naızaǵaı jarqyldap, burshaq jaýýy yqtımal. Petropavl qalasynda 24 mamyr kúni ońtústik-batystan jáne batystan soqqan jeldiń jyldamdyǵy 15-20 m/s, ekpini 25 m/s-qa deıin jetedi. Kúndiz naızaǵaı oınap, burshaq jaýýy múmkin.
