Aldaǵy úsh kúnde Qazaqstannyń batysy men soltústiginde jańbyr jaýady
ASTANA. QazAqparat - Sınoptıkter 27-29 qyrkúıekke arnalǵan aýa raıy boljamyn usyndy, dep habarlaıdy QazAqparat.
«Qazgıdromet» RMK aqparaty boıynsha, batys oblystarǵa jańbyr ákelgen atmosferalyq aýa aǵyndary shyǵys baǵytqa aýysyp, respýblıkanyń soltústik oblystarynda jańbyr jaýady.
Qazaqstannyń ózge aýmaqtaryndaǵy aýa raıy joǵary atmosferalyq qysymnyń yqpalynda bolady. Sondyqtan, munda jaýyn-shashyn bolmaıdy. Ońtústik, ońtústik-shyǵys jáne shyǵys oblystarda aýa temperatýrasy kóteriledi, al soltústik jáne ortalyq óńirlerde kún sýytady.
