Aldaǵy úsh kúnde Qazaqstanda ystyqtyń beti qaıtady
ASTANA. QazAqparat - Ótken demalys kúnderi Qazaqstanda aýa raıy jaýyn-shashynsyz, ystyq bolyp, aýa temperatýrasy +28...+35 gradýsqa deıin jetti. Al respýblıkanyń ońtústiginde +38...+41 gradýs ystyq boldy, bul klımattyq normadan 4...14 gradýsqa joǵary, dep habarlaıdy Qazgıdromet.
Alaıda aldaǵy táýlikterde Povoljıa aýdandarynan aýysqan tsıklon Qazaqstan aýmaǵy arqyly shyǵysqa qaraı jyljıtyn bolady. Sınoptıkter osy tsıklonnyń áserinen keı jerlerde ótkinshi jańbyr jaýyp, kún kúrkirep, naızaǵaı oınaıdy; jeldiń kúshi 17-22 m/s-ǵa jetedi dep boljaýda.
Tsıklonnyń tylyna taý taramy jaǵynan sýyq antıtsıklon taralyp, sonyń yqpalynan respýblıkanyń soltústik bóliginde ǵana emes, ońtústiginde de ystyq edáýir basylady.
