Aldaǵy úsh kúnde Qazaqstanda qubylmaly aýa raıy bolady
ASTANA. QazAqparat - «Qazgıdromet» RMK 10-12 qańtar kúnderi Qazaqstanda qubylmaly aýa raıy bolady dep habarlaýda.
«Qazgıdromet» RMK sınoptıkteriniń boljamy boıynsha, jaqyn aradaǵy úsh kúnde qubylmaly aýa raıy kútiledi. Aldaǵy táýlikterde Qazaqstannyń kóptegen oblystary batys tsıklonnyń yqpalynda bolady, ol elimizdiń batysy men soltústigine qar jaýdyrtyp, boran soqtyrady, al ońtústik aımaqtarda temperatýra joǵarylaıdy.
Tsıklonnyń batystan shyǵysqa qaraı jyljýyna qaraı, temperatýra kóterilip, ortalyq, shyǵys jáne ońtústik oblystarda qar jaýý kútiledi. Osylaısha, 10 jáne 11 qańtarda soltústik oblystarda kúndizgi temperatýra -7...-13ºS, ońtústikte 0º den +10ºS deıin bolady dep boljanady. Qazaqstan úshin, onyń soltústikten ońtústikke, batystan shyǵysqa deıin edáýir sozylǵan aýmaǵy úshin, mundaı qarama-qarsylyq - jyldyń sýyq merzimindegi ádettegi qubylys bolyp tabylady.
