Aldaǵy úsh kúnde elimizdiń soltústiginde boran soǵyp, ońtústiginde jaýyn jaýady
ASTANA. QazAqparat - Sınoptıkter aldaǵy úsh táýlikke, 17-19 qańtar aralyǵyndaǵy aýa raıyna boljam jasady, dep habarlaıdy QazAqparat Qazgıdrometke silteme jasap
«Iran aımaǵynan Qazaqstan terrıtorııasyna jyly aýa massalarynyń enýinen, barlyq óńirlerde 5...15 gradýsqa klımattyq normadan joǵary aýa temperatýrasy saqtalýda. Soǵan qaramastan aldaǵy úsh táýlikte ońtústik tsıklonymen respýblıkanyń soltústik jartysynda qar, burqasyn, ońtústik jartysynda - jańbyr, jylbysqy qar, kóktaıǵaq jáne tuman kútiledi, burynǵydaı normadan joǵary aýa temperatýrasy saqtalady», - delingen habarlamada.
