Aldaǵy úsh kúnde elimizdiń soltústigi men ortalyǵynda úsik júredi
NUR-SULTAN. QazAqparat - Sınoptıkter aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Aldaǵy táýlikte Reseıdiń eýropalyq bóliginiń ortalyq aımaqtarynan yǵysatyn antıtsıklonnyń áserinen Qazaqstannyń kóptegen oblystarynda jaýyn-shashyn ýaqytsha toqtaıdy. Al respýblıkanyń soltústigi men ortalyǵynda túnde jáne kúndiz 1…3°S úsik júredi.
Biraq 13 qyrkúıekte Batys Sibirden keletin kezekti arktıkalyq fronttar Qazaqstannyń soltústik aımaqtaryna, sodan soń ortalyq jáne shyǵysyna óz áserin tıgizedi. Munda da qaıtadan jańbyr bastalyp, normadan tómen aýa temperatýrasy saqtalady.
Qalǵan aımaqtarda jaýyn-shashyn bolmaıdy, kún ashyq. Aýa temperatýrasy ortasha kópjyldyq mánge jaqyn.
