Aldaǵy úsh kúnde elimizdiń keıbir aımaǵynda kóktaıǵaq pen tuman bolady
ASTANA. QazAqparat - Aptanyń ekinshi jartysynda elimizdiń taýly aımaqtarynda qara aralas jańbyr jaýady. Bul týraly «Qazgıdromet» málimetinde habarlandy.
«Tsıklondar Qazaqstan aýmaǵy boıynsha birinen soń biri, lek-legimen aǵyp ótedi. Elimizdiń aımaqtaryndaǵy 23-31º ystyq kúnderi - jaýyn-shashyn, qar aralas jańbyr, kúshti jel ekpini 15-20 m/s, keı jerlerde kóktaıǵaq, tuman jáne túngi temperatýra 1...10º, kúndizgi 2...10º jylylyqqa tómendeýimen aýysady. Ońtústik pen ońtústik-shyǵysta da jańbyrly, bultty kúnder kútilýde»,- delingen habarlamada.
Atap aıtqanda, 3 sáýirde Aqmola, Atyraý, Aqtóbe, Soltústik Qazaqstan oblystary aýmaǵynda kóktaıǵaq bolýy múmkin.
Sonymen qatar, 4-5 sáýirde túngi merzimde taýly aımaqtarda qar aralas jańbyr bolýy yqtımal. Túngi temperatýra 1...7º jylylyqty kórsetip, keı aýdandarda 3º sýyq, kúndiz 8-13, keıbir jerlerde 18º jyly bolady.
