Aldaǵy úsh kúnde elimizdiń bes óńirinde kún sýytady
NUR-SULTAN. QazAqparat – Qazaqstannyń bes óńirinde kún sýytýyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
24 qyrkúıek túnde Soltústik Qazaqstan oblysynyń keı jerlerinde 1-3 gradýs sýyq bolady. Petropavlda 24 qyrkúıekte túnde topyraqtyń betki qabatynda 1-3 gradýs úsik júredi. Kúnniń kúrt sýytý yqtımaldyǵy 90-95%.
25-26 qyrkúıekte túnde Qaraǵandy oblysynyń keı jerlerinde 1-3 gradýs sýyq bolady.
24 qyrkúıek kúni túnde Qostanaı oblysynyń keı jerlerinde 1-3 gradýs sýyq bolýy múmkin. Qostanaı qalasynda soltústik-batys, batys baǵyttan jel soǵyp, onyń jyldamdyǵy 15-20 m/s-ke jetedi. Kúnniń sýytý yqtımaldyǵy 90-95%.
24 qyrkúıekte Aqtóbe oblysynda batys, ońtústik-batystan jyldamdyǵy 15 m/s bolatyn jel soǵady. Túnde jáne tańerteń tuman túsedi. Kúnniń kúrt sýytý yqtımaldyǵy 90-95 %.
24 qyrkúıekte Aqmola oblysynda kún kúrkirep, burshaq jaýady. Túnde jáne tańerteń tuman túsedi. 25-26 qyrkúıekte túnde 1-3 gradýs sýyq bolady. 24 qyrkúıekte Kókshetaýda naızaǵaı oınap, batys, ońtústik-batystan jyldamdyǵy 15-20 m/s, túnde ekpini 23-28 m/s bolatyn jel soǵady. 25-26 qyrkúıekte túnde topyraqtyń betki qabaty 1-3 gradýsqa deıin sýıdy.
