Aldaǵy úsh kúnde elimizdiń basym bóliginde jańbyr jaýady – sınoptıkter boljamy

ASTANA. QazAqparat - Aldaǵy kúnderi Qazaqstanda aýa raıy óte tereń Qara teńiz tsıklony yqpalymen qalyptasady, dep habarlaıdy QazAqparat «Qazgıdromet» RMK-ǵa silteme jasap.

«Kele jatqan tsıklon eldiń kóp bóliginde kúnniń jańbyrly bolýyna yqpal etedi. Naızaǵaı jarqyldap, burshaq jaýyp, ekpindi jel soǵady. Respýblıkanyń batysynda, soltústik-batysynda jáne soltústiginde keı kezderi qatty jańbyr jaýady», - delingen sınoptıkter boljamynda.

Kúndizgi temperatýranyń qysqa merzimdi tómendeýinen keıin:

Qazaqstannyń soltústiginde aýanyń temperatýrasy +20+25 gradýstan +25 + 33 gradýsqa deıin,

soltústik-batysta +18+30 gradýstan 25+33 gradýsqa deıin,

ortalyqta +25+33 gradýstan +32+39 gradýsqa deıin,

ońtústikte +25+35 gradýstan +35+42 gradýsqa deıin kóteriledi.

Eldiń batysynda aýa temperatýrasynyń +22+35 gradýsqa deıin, al shyǵysta +27+35 gradýsqa deıin tómendeýi boljandy.

Ońtústik-shyǵysta temperatýralyq fonda kúrt ózgeris bolmaıdy.