Aldaǵy úsh kúnde elimizdiń aımaqtaryna qar jaýyp, burqasyn bolady
ASTANA. QazAqparat - Aldaǵy 3 táýlikte, 27-29 jeltoqsan aralyǵynda Qazaqstanda qar jaýyp, kóktaıǵaq bolyp, burqasyndatady, dep habarlaıdy «Qazgıdromet» RMK.
«Bıylǵy jyldyń sońǵy kúnderindegi aýa raıyna ońtústik tsıklon yqpal etedi. Respýblıkadaǵy oblystardyń kópshiliginde qar jaýyp, burqasyn bolyp, aýa temperatýrasy kóteriledi. Ońtústikte kóktaıǵaq bolady»,-delingen habarlamada.
Alaıda, 28 jeltoqsanda Qazaqstanǵa tsıklonnyń artynan antıtsıklon keledi. Antıtsıklonnyń yqpalynan 29 jeltoqsanda kún birshama sýyta bastaıdy. Ol ásirese eldiń soltústik jáne shyǵys bóliginde aıqyn seziledi.
