Aldaǵy úsh kúnde elimizde jaýyn-shashyndy aýa raıy saqtalady - Qazgıdromet
ASTANA. QazAqparat - 15-17 naýryz kúnderi respýblıkamyzda jańbyr, keı aımaqtarda qar jaýady dep boljanýda. Bul týraly Qazgıdromet habarlady.
«Aldaǵy úsh kúnde respýblıkanyń kóp bóliginde jaýyn-shashyndy bulyńǵyr aýa raıy saqtalyp, soltústik jartysynda negizinen qar, boran soǵyp, jeldiń kúshi 15-20m/s jetip, kóktaıǵaq bolady, ońtústiginde - jańbyr jaýyp, taýly jáne taý bókteri aýdandaryna sýly qar túsip, tuman basady. Temperatýra tómendeıdi, biraq ádettegideı normadan joǵary bolady», - dep jazylǵan habarlamada.
