Aldaǵy úsh kúnde elimizde jańbyr jaýyp, qatty jel turady
NUR-SULTAN. QazAqparat - Aldaǵy úsh táýlikte soltústik-batys tsıklonynyń áserinen respýblıkanyń basym bóliginde jańbyr jaýyp, naızaǵaı jarqyldap, ekpindi jel soǵady, burshaq jaýýy da yqtımal. Bul týraly QazAqpara «Qazgıdromet» RMK baspasóz qyzmetine silteme jasap habarlaıdy.
«11 maýsymǵa qaraı respýblıkanyń ońtústik, ońtústik-shyǵysyndaǵy taýly aımaqtarda nóser jańbyr jaýady, al batys pen ońtústikte shańdy daýyl soǵady. Aýa temperatýrasy kúndiz 20-28 gradýsqa deıin birtindep tómendeıtin soltústik oblystardy qospaǵanda, temperatýralyq fonnyń eleýli ózgeristeri bolmaıdy», - delingen sınoptıkter boljamynda.
