Aldaǵy úsh kúnde elimizde jańbyr jaýady
NUR-SULTAN. QazAqparat - Sınoptıkter 6-8 maýsymǵa arnalǵan aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
Qazaqstanǵa Barents teńiziniń mańynan troposferalyq aǵyndarmen ylǵaldy jáne salqyn aýa keledi. Sondyqtan elimizdiń kóptegen óńirlerinde uıytqyǵan jel soǵyp, naızaǵaıly ótkinshi jańbyr jaýady.
«Elimizdiń soltústiginde joǵarǵy tsıklonnyń yqpalynan keı jerlerde qatty nóser jaýady. Aýa temperatýrasy tómendeıdi, kópjyldyq normadan 2...5°S gradýsqa tómen bolady. Al batys óńirlerde joǵarǵy atmosferalyq qysym taralady, sondyqtan ol jaqta kún raıy ashyq, temperatýra klımattyq normaǵa jaqyn bolady», delingen habarlamada.
