Aldaǵy úsh kúnde el aýmaǵynda jańbyr jaýyp, naızaǵaı oınaıdy
NUR-SULTAN. QazAqparat - 16-18 sáýir aralyǵynda atmosferalyq aýa aǵyndarynyń ótýine baılanysty elimizdiń basym bóliginde naızaǵaı oınap, jańbyr jaýady, dep habarlaıdy QazAqparat.
Qazgıdromettiń málimetinshe, respýblıkanyń batys bóligine ǵana soltústik-batys antıtsıklony áser etedi, sonyń saldarynan jaýyn-shashyn jaýmaıdy.
Respýblıka boıynsha jel kúsheıedi.
Elimizdiń batysynda aýa temperatýrasy kúndiz 12-20-dan 15-25-ke deıin kóteriledi, soltústik-batysta túnde 0-12 jylýdan 0-5 aıazǵa deıin tómendeıdi. Soltústikte túnde 5-12 gradýstan 0-5 gradýsqa deıin tómendep, ońtústik-shyǵysta 5 gradýs jyly bolady.
Respýblıkanyń ortalyǵynda 2-7-ge deıin shamaly kóterilip, elimizdiń shyǵysynda túnde 2 gradýs aıazdan 0-8 jylyǵa deıin kóteriledi.
Kúndiz temperatýranyń negizgi fony 15 gradýs jyly bolady.
Ońtústikte kúndiz 23-32 jyly bolady. Ońtústik-shyǵysta kúndiz 22-30-dan azdap kóteriledi.
Taýly aýdandarda 18 jylydan 25-32 jylyǵa deıingi aralyqta, taýly aýdandarda 20 gradýs jyly bolady.
