Aldaǵy úsh kúnde aıaz ketip, ornyna boran keledi
ASTANA. QazAqparat - «Qazgıdromet» RMK 8-10 aqpanǵa arnalǵan aýa raıy boljamyn jarııalady, dep habarlaıdy QazAqparat.
Sınoptıkterdiń aıtýynsha, respýblıkadaǵy aýa raıyn ózgertip otyrǵan keń aýqymdy antıtsıklon birte-birte Batys Sibirge qaraı jyljyp, qatty aıazdy da yǵystyrady. Onyń ornyna Qazaqstannyń soltústik-batys aýdandarynda bıiktik tsıklony keledi. Sondyqtan aldaǵy eki kúnde kóptegen oblystarda aýa raıy jaýyn-shashynsyz bolady.
10 aqpanda aýa raıy ózgeredi. Soltústik-batys, soltústik jáne ortalyq oblystarda bıiktik tsıklonynyń yqpalynan keıbir jerlerde qar jaýyp, boran soǵady, jeldiń jyldamdyǵy sekýndyna 15-20 metrge jetedi.
