Aldaǵy úsh kúnde aýa temperatýrasy sál tómendeıdi - Qazgıdromet
ASTANA. QazAqparat - Respýblıka terrıtorııasynyń basym bóliginde aýa raıyna yqpal etetin antıtsıklon aldaǵy úsh kúnde shyǵysqa qaraı aqyryn yǵysady.
«Antıtsıklonnyń artynan Povoljıa aýdandarynan jáne Kaspıı teńiziniń ońtústiginen atmosferalyq fronttary bar tsıklondar jyljı bastaıdy. Osynyń saldarynan áýeli batys óńirlerde jáne odan keıin ońtústik, ortalyq jáne soltústikte jańbyr, qar jaýyp, kóktaıǵaq bolady. Temperatýra sál ǵana tómendeıdi, biraq normadan 2-7º joǵary deńgeıde saqtalady», - delingen «Qazgıdromet» habarlamasynda.
