Aldaǵy úsh kúnde aýa raıy qandaı bolady
NUR-SULTAN. QazAqparat - Sınoptıkter 24-26 jeltoqsan aralyǵyna arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
22 jeltoqsan - qysqy kún toqyraýy men astronomııalyq qystyń basy. Kúntizbelik jáne meteorologııalyq qystyń naǵyz qyzǵan kezi.
Qazaqstan arqyly belsendi atmosferalyq fronttar jáne antıtsıklondar birinen keıin biri jyljıdy. Osyǵan baılanysty respýblıkanyń basym oblystarynda aldaǵy táýlikterde qar jaýyp, burqasyn kóteriledi. Keı jerlerde ekpindi jel soǵady.
Al sýyq fronttyń artynan respýblıkaǵa antıtsıklon yǵysyp, jaýyn-shashyn toqtaıdy. Aýa temperatýrasy tómendeıdi.
