Aldaǵy úsh kúnde aýa raıy qandaı bolady?
ASTANA. QazAqparat - «Qazgıdromet» RMK 2017 jyldyń 19-21 qyrkúıegine aýa raıy boljamyn jarııalady, dep habarlaıdy QazAqparat.
Batys Sibir arqyly tsıklondar biriniń artynan biri kóship, osy tsıklonǵa baılanysty atmosferalyq fronttar Qazaqstannyń soltústik aýmaǵyna jańbyr alyp keledi. Demalys kúnderi aýa temperatýrasy ádettegiden 5-9 gradýs joǵary boldy, endi sýyq fronttardyń áserinen aýa temperatýrasy tómendep, klımattyq normaǵa jaqyn bolady.
Respýblıkamyzdyń ońtústik jáne batys oblystaryndaǵy aýa raıyna aldaǵy 3 kúnde burynǵydaı antıtsıklon áser etetin bolady. Sondyqtan da bul jerde aýa temperatýrasy jyly, jaýyn-shashynsyz bolmaq, klımattyq normadan 3-8°S joǵary bolady.
