Aldaǵy úsh kúnde astanadaǵy Arqar kópiri jabylady

NUR-SULTAN. QazAqparat - Elorda turǵyndary men qonaqtary jol júrý baǵyttaryn aldyn ala josparlaǵany jón, dep habarlaıdy elorda ákimdiginiń resmı saıty.

Osy kúnderi Qoshqarbaev dańǵylynan bastap kólik aıryǵyna deıingi ýchaskede Arqar (M1) kópirinde marshrýttyq ádispen ortasha jóndeý jumystary júrgiziledi.

Osyǵan baılanysty 29-30 tamyz aralyǵynda avtokólik qozǵalysy úshin kóshe ishinara jabylady.

«Elorda turǵyndary men qonaqtary qala joldarynda keptelis týdyrmas úshin óz marshrýttaryn aldyn ala josparlaǵany jón. Kelgen qolaısyzdyqtar úshin keshirim suraımyz jáne jóndeý jumystary júrgizilýine túsinistikpen qaraýdy suraımyz», – dep eskertedi kólik jáne jol-kólik ınfraqurylymyn damytý basqarmasy.