Aldaǵy úsh kúnde Astanada qar jaýyp, burqasyndatýy yqtımal
ASTANA. 14 qańtar. QazAqparat - Taıaýdaǵy úsh kúnde elordada qar jaýyp, burqasyndatyp, aýa temperatýrasy tómendeıdi.
Bul týraly «Qazgıdromet» RMK-dan málim etti.
Astana.kz saıtynyń málimetine qaraǵanda, sınoptıkterdiń boljamy boıynsha, búgin bas qalada kún raıy qubylmaly, keı jerlerde qar jaýyp, burqasyn júredi. Ońtústik batystan 5-10 m/s jel soǵyp, keı jerlerde ekpini 18 m/s deıin jetedi. Aýa temperatýrasy kúndiz - 6-8 gradýs sýyq.
Erteń, 15 qańtar kúni, elordada kún bulttanyp, qar jaýyp, syrma burqasyn júredi. Synap baǵany túnde 14-16 gradýsqa deıin, kúndiz - 10-12 gradýsqa deıin tómendeıdi.
16 qańtarda kún bulttanyp, qar jaýyp, burqasyndatýy yqtımal. Batystan soqqan jeldiń baǵyty ózgerip, ekpini 18 m/s deıin kúsheıedi. Aýa temperatýrasy túnde -20-22°C, kúndiz -14-16°C bolady.
