Aldaǵy úsh kúnde Astanada qar jaýyp, burqasyn bolady
ASTANA. QazAqparat - Qazgıdromettiń habarlaýynsha, búgin elordada kóshpeli bult shyǵyp, qar jaýýy yqtımal, burqasyn soǵady. Aýa temperatýrasy túnde -3-5°S, kúndiz -1-3°S bolady. Ońtústik-batystan 15-20 m/s jyldamdyqpen jel soǵady. «112» qyzmetiniń málimetinshe, Astana - Kókshetaý, Astana - Qaraǵandy baǵytyndaǵy tas joldar kóktaıǵaqqa baılanysty jabyldy.
Sınoptıkterdiń boljamynsha, 10 aqpanda kóshpeli bult shyǵyp, kúndiz qar jaýady dep kútilýde. Ońtústik-batystan 9-14 m/s jyldamdyqpen jel soǵady. Aýa temperatýrasy túnde -14-16°S, kúndiz -3-5°S bolady.
11 aqpanda elordada aýa temperatýrasy túnde -10-12°S, kúndiz -3-5°S bolady. Qar jaýyp, burqasyn soǵady. Bul týraly elorda ákimdiginiń resmı saıty habarlady.
