Aldaǵy úsh kúnde Astanada aıaz kúsheıýi yqtımal
ASTANA. 10 jeltoqsan. QazAqparat - Qazaqstanǵa soltústik antıtsıklonnyń áser etýine baılanysty taıaý kúnderi Astanada aıaz kúsheıýi yqtımal.
Termometr baǵany -30 gradýsqa deıin jáne odan da tómendeýi múmkin, dep habarlaıdy elordanyń resmı saıty.
«Qazgıdromet» RMK-nyń málimeti boıynsha, erteń elordada kún ashyq bolady. Túnde jáne tańerteń tuman túsýi múmkin. Aýanyń temperatýrasy túnde -31-33 gradýs, kúndiz -28 -30 gradýs aıazdy kórsetedi. Soltústik shyǵystan 5-10 m/s jyldamdyqpen jel soǵady.
12 jáne 13 jeltoqsan kúnderi de kún ashyq bolyp, túnde jáne tańerteń tuman bolady. Túnde -28-33 gradýs, kúndiz -25 -30 gradýs aıaz bolady dep kútilýde. Soltústik shyǵystan 2-7 m/s kúshpen jel soǵady.
