Aldaǵy úsh kún jaýyn-shashynsyz bolady
NUR-SULTAN. QazAqparat – Qazgıdromet 3-5 qazan kúnderiniń aýa raıy boljamyn jarııalady, dep habarlaıdy QazAqparat.
«Sýyq antıtsıklonnyń orta tusy Batys Sibirdiń ońtústigine qaraı jyljydy, degenmen onyń taramdary áli de Qazaqstannyń birneshe oblysyndaǵy aýa raıyna yqpal etedi. Sondyqtan Qazaqstan aýmaǵynyń basym bóliginde kún ashyq bolyp, túnde toń qatady. Ortalyq jáne shyǵys oblystarda túngi aýa temperatýra mınýs 1…7°S, keı jerlerde 12°S-qa deıin sýytady. Kúndizgi aýa temperatýrasy birtindep kóteriledi, biraq ázirge klımattyq normadan tómen bolady. Tek batys aýdandarda aýa temperatýrasy kóp jyldyq ortasha mánnen 3…5°S joǵary bolady», - delingen habarlamada.
