Aldaǵy úsh kún jańbyr jaýyp, aýa temperatýrasy tómendeıdi
NUR-SULTAN. QazAqparat - Sınoptıkter 5-7 qyrkúıek aralyǵyna arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Tsıklon men atmosferalyq fronttar áli de Qazaqstannyń aýa raıyna yqpalyn tıgize beredi. Sonyń áserinen jańbyr jaýyp, kúshti jel turady. Ońtústikte naızaǵaı jarqyldaıdy.
Soltústik, ortalyq jáne shyǵys oblystarda nóser jańbyr jaýady. Sondaı-aq kúzdiń negizgi sıpaty retinde tuman túsýi múmkin. Soǵan baılanysty túngi jáne tańǵy ýaqyttarda kórý qashyqtyǵy 200-500 m deıin nasharlaıdy.
Respýblıkanyń batys aımaqtaryna antıtsıklon yǵysyp, jańbyr basylady.
Aýa temperatýrasy Qazaqstannyń búkil aımaǵynda klımattyq normadan 3…6°S tómen bolady.
