Aldaǵy úsh kún boıy Qazaqstannyń basym bóliginde jaýyn-shashyn bolady - sınoptıkter
ASTANA. QazAqparat - Sınoptıkter aldaǵy úsh kún boıy Qazaqstannyń basym bóliginde jaýyn-shashyn bolatynyn málimdedi, dep habarlaıdy «QazAqparat» HAA «Qazgıdromet» RMK baspasóz qyzmetine silteme jasap.
«Respýblıkanyń ońtústik-shyǵysynda qatty jaýyn-shashyn týdyrǵan sýyq fronttar Qazaqstan aýmaǵynan ketpeı jatyp, Oral aýmaǵynan kezekti tsıklonmen birge sýyq arktıkalyq jáne arktıkalyq fronttar jyljyp kele jatyr», - delingen vedomstvonyń habarlamasynda.
Sınoptıkterdiń málimetinshe, aldaǵy kúnderi Qazaqstannyń basym bóligine jaýyn-shashyn túsedi, soltústik oblystarda qar jaýyp, boran soǵyp, qatty jel turady jáne kóktaıǵaq bolýy yqtımal. Ońtústikte qar aralas jańbyr jaýady. Temperatýra aıtarlyqtaı ózgermeıdi, biraq klımattyq normadan 3...5 ºS gradýs joǵary bolyp qalady.
