Aldaǵy ýaqytta salynatyn Úlken Almaty aınalma joly aqyly bolady
ALMATY. Maýsymnyń 26-sy. QazAqparat /Erbol Azanbek/ - Aldaǵy ýaqytta salynatyn Úlken Almaty aınalma joly aqyly bolady. Bul týraly «Batys Eýropa - Batys Qytaı» joly boıymen BAQ sherýiniń barysynda QR Kólik jáne kommýnıkatsııa mınıstri Ábilǵazy Qusaıynov aıtty.
«78 shaqyrymdy quraıtyn Úlken Almaty aınalma jolynda kólik qozǵalysy jıi. Sondyqtan oǵan bıýdjetten qarjy bólinbeı, kontsessııalyq negizde salynady. Bul joldyń áleýeti ınvestorlardyń qarajatyn qaıtaryp alýǵa múmkindik beredi», deıdi mınıstr Ábilǵazy Qusaıynov. Onyń aıtýynsha, qurylys jumystarynyń naqty merzimi belgisiz. Qazirgi kezde tek 18 mıllıard teńgege aınalma jolyn salýǵa qajetti qajetti jer telimderin satyp alý kózdelip otyr.
