Aldaǵy ýaqytta memlekettik tilde joǵarǵy oqý oryndaryna arnalǵan 130 túrli oqýlyqtar basylyp shyǵatyn bolady - QR Bilim jáne ǵylym mınıstri
MATY. 20 qazan. QazAqparat /Názıra Eleýhan/ - Búgin Almatyda Qazaq Ulttyq agrarlyq ýnıversıtetinde Qazaqstan Respýblıkasy Bilim jáne ǵylym mınıstrligi men QR JOO qaýymdastyǵynyń uıymdastyrýymen
Qazaqstan joǵarǵy oqý oryndaryn kitappen qamtamasyz etý máseleleri boıynsha VI respýblıkalyq konferentsııa bolyp ótti.
Konferentsııa jumysyna joǵarǵy oqý oryndarynyń rektorlary, jaryq kórgen kitaptardyń avtorlary, joǵarǵy oqý oryndary ǵylymı kitaphanalarynyń dırektorlary qatysty.
Májilisti Qazaqstan Respýblıkasy Bilim jáne ǵylym mınıstri Baqytjan Jumaǵulov ashty.
Konferentsııa barysynda mınıstr: «Alǵashqy ret respýblıkalyq bıýdjetten joǵarǵy oqý oryndaryna arnalǵan 130 túrli oqýlyqtardy basyp shyǵarýǵa 137,7 mln.teńge qarjy bólinip otyr. Biz alǵashqy qadamdy jasadyq. Endi aldaǵy úsh jylda biz osy baǵyttaǵy jumystardy jalǵastyratyn bolamyz. Respýblıkalyq bıýdjettik komıssııa qazirdiń ózinde 200 mln. teńge kóleminde bolatyn jyldyq bıýdjettik ótinishterdi maquldady. Osy qarjynyń esebinen jańa kitaptar basylyp shyǵatyn bolady», - dep atap ótti.
Konferentsııa barysynda joo-ǵa memlekettik tildegi kitaptardy basyp shyǵarý ózekti máseleniń biri bolyp turǵandyǵy atap ótildi. Statıstıkalyq málimetke súıensek, JOO-dyń kitaphana qorlarynda 50 mln. kitap bar eken, biraq, onyń shamamen 8 mıllıony ǵana memlekettik tildegi kitaptardy quraıdy.
Konferentsııa barysynda tehnıkalyq, jaratylystaný, ekonomıka mamandyqtary boıynsha joǵarǵy oqý oryndaryna arnalǵan, memlekettik tildegi 72 oqýlyqtyń tanystyrylymy bolyp ótti. Atalmysh kitaptardyń jalpy tırajy 96 myń danany quraıdy.
QR JOO qaýymdastyǵynyń prezıdenti Rahman Alshanovtyń aıtýynsha, kitaptardy basyp shyǵarýǵa 23 JOO-nyń ujymdary atsalysqan, Al, kitaptardy jazýǵa 157 -den astam ǵalymdar men oqý oryndarynyń eń myqty degen ustazdary tartylǵan.
Shara barysynda mınıstr kitaptardy shyǵarýǵa atsalysqan 10 eń úzdik avtorlar men baspagerlerge qurmet gramotalardy tabystady.
Plenarlyq otyrys QR Bilim jáne ǵylym mınıstrliginiń Qazaqstan Respýblıkasy Ulttyq kitaphanasynyń qory men Ortalyq ǵylymı kitapahanalaryna jáne joǵarǵy oqý oryndaryndaǵy ǵylymı kitaphanalar qoryna JOO-na arnalǵan memlekettik tildegi jańa 72 oqýlyq sertıfıkattaryn tabystaý saltanatty sharasymen aıaqtaldy.
Shara aıasynda QR JOO Assotsıatsııasy jáne joǵarǵy oqý oryndary jaryqqa shyǵarǵan oqýlyqtar kórmesi bolyp ótti.
