Aldaǵy ýaqytta memlekettik organdarda etıka jónindegi komıssar engizilýi múmkin - Á. Báımenov

Bul týraly búgin Májiliste «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Memlekettik qyzmet isteri agenttiginiń tóraǵasy Álıhan Báımenov málim etti.

Elbasy birneshe márte «Komandalyq kóshýdiń» sybaılas jemqorlyqqa jol ashatyndyǵyn  aıtqan bolatyn. Óıtkeni jemqorlyqtyń ózi jergilikti azamattardan bastalady. Al, ondaı jaǵymsyz qubylysty toqtatý úshin zań jobasymen kamandalyq kóshýge barynsha tosqaýyl qoıý kózdelgen»,-dedi Á. Báımenov.

Sonymen qatar agenttik tóraǵasy memlekettik qyzmetkerlerdiń korporatıvtik mádenıetin joǵarylatý máselesine toqtalyp, onyń udaıy ári satylap júzege asýy tıistigin atap ótti.

«Qujatta sybaılas jemqorlyqqa qarsy normalar naqtylanyp otyr. Bul rette memlekettik qyzmetker osyndaı keri qubylystyń aldyn alýǵa, oǵan qarsy turýǵa jáne ol týraly habarlaýǵa zań júzinde mindetti bolady. Munyń ózi eldegi sybaılas jemqorlyqtyń aldyn alýǵa septigin tıgizedi dep oılaımyn. Budan bólek halyqaralyq tájirıbeni zerdeleı kele, biz aldaǵy ýaqytta etıka jónindegi komıssardy engizýimiz de múmkin. Arnaıy sertıfıkattalǵan ondaı komıssarlar árbir memlekettik organdarda memlekettik qyzmetshiler arasynan jasaqtalýy yqtımal,-dedi agenttik tóraǵasy.